🧩 Qiso Dahsoon: Ninka Ka Yimid Taured 🌍
📅 Bishii Luulyo ee sanadkii 1954-kii, nin ganacsade ah ayaa ka soo degay Garoonka Diyaaradaha ee Haneda oo ku yaalla magaalada Tokyo ee dalka Japan. Ninkan wuxuu ahaa qof u muuqda reer Yurub, si wanaagsanna u labisan.
✈️ Markii uu soo gaaray qaybta socdaalka iyo hubinta dukumeentiyada, ayay bilaabatay mucjisada iyo jahwareerka aan ilaa hadda xal loo helin. Ninku wuxuu saraakiisha u dhiibay baasaboor u eg mid sharci ah, balse waddanka ku qoran baasaboorka ayaa ahaa mid aan dunida ka jirin. Baasaboorku wuxuu sheegayay inuu yahay muwaadin u dhashay waddan la yiraahdo "Taured."
🤔 Saraakiisha Japan ayaa la yaabay magaca waddankan. Ninku wuxuu ku hadlayay luuqadda Faransiiska oo nadiif ah iyo xoogaa Jabbaan ah, wuxuuna ku adkaysanayay in waddankiisa Taured uu jiro.
🗺️ Markii saraakiishu ay hor dhigeen khariidadda adduunka, ninkii wuxuu farta ku fiiqay aagga u dhexeeya dalalka Faransiiska iyo Isbaanishka (Spain),
halkaas oo ay hadda ku taallo dowladda yar ee Andorra. Wuxuu si caro leh u sheegay in waddankiisa Taured uu halkaas ka jiray ku dhawaad kun sano, wuxuuna la yaabanaa sababta qariidadda loogu qoray magac kale.
📑 Arrintu waxay sii noqotay mid cakiran markii la arkay in baasaboorkiisa ay ku yaallaan tembooyin (stamps) muujinaya inuu horey u soo maray garoonkan Tokyo iyo dalal kale oo badan,
taas oo u ekayd in dukumeentigiisu uu sax yahay. Si kastaba ha ahaatee, markii la wacay shirkaddii uu sheegay inuu u shaqeynayay, waa la waayay raadkeeda.
🏨 Sidoo kale, hoteelkii uu sheegay inuu boos ka qabsaday, diiwaankooda lagama helin magaciisa. Bangigii uu jeekiisa watayna wuu jiray balse ninkan akoon kuma lahayn.
🚔 Maadaama saraakiishu ay xaaladda la jahwareer sanaayeen, waxay go'aansadeen in ninkaas baaritaan dheeri ah lagu sameeyo. Waxaa la geeyay hoteel u dhow garoonka, waxaana la dejiyay qol ku yaalla dabaqa sare (dabaqa lixaad). Si loo hubiyo inuusan bixin, laba askari oo ka tirsan waaxda socdaalka ayaa lagu yiri ilaaliya albaabka qolka.
🌙 Ninkii wuxuu galay qolka, wuxuuna cunay casho, kadibna wuu seexday. Subaxdii xigtay, markii saraakiishu ay fureen albaabka qolka si ay u sii wadaan su’aalaha, waxay la kulmeen arrin naxdin iyo yaab leh.
❗ Qolkii wuu madhnaa. Ninkii wuxuu u tirtirmay si aan raad lahayn. Dhammaan alaabtiisii, dharkiisii, iyo xataa dukumeentiyadiisii sirta ahaa ee lagu hayay qolka amniga, way wada libdheen.
🚪 Albaabka qolka lagama bixin maadaama ay ilaaladu taagnayd habeenkii oo dhan. Daaqadda qolkuna waxay ahayd mid aad u sarreysa, oo qofna uusan ka boodi karin isagoon naftiisa haligin.
🌌 Dhacdadan waxay noqotay mid dahsoon. Dadka qaar ayaa aaminsan in ninkaasi uu ahaa musaafir si kama' ah uga soo tallaabay adduunyo kale
(Parallel Universe), kaas oo dib ugu laabtay xaqiiqadii uu ka yimid markii dambe. Ilaa maanta, qisada "Ninka ka yimid Taured" waa mid ka mid ah dhacdooyinka ugu caansan ee aan cilmi ahaan sharraxaad loo helin.
#HAADKADUULA #Taured #QisoDahsoon #DhacdooyinYaabLeh #Mucjiso #XaqiiqoMiseKhayaali #ParallelUniverse #TaariikhDahsoon #QisooyinCajiibAh #Soomaali #SomaliStories #MysteryStories
0 Comments